.. ساحل زیبای ارس ..
.. ساحل زیبای ارس ..
گروه عاشیقلار پارس آباد مغان-همایش یادبود «دده شمشیر»، تهران ـ چهارم خرداد 95
.. ساحل زیبای ارس ..
.. ساحل زیبای ارس ..
.. ساحل زیبای ارس ..
.. ساحل زیبای ارس ..
.. ساحل زیبای ارس ..
.. ساحل زیبای ارس ..
.. شوت 40 متری - شهرک مغان ..
.. پختن نان محلی ..
.. نمای از کارخانه بزرگ قند مغان ..
.. دریاچه شهرک مغان ..

Xüsusi Xəbər

Günün Şəkiləri

 

 

مغانشهر :  قایقیلاری قورخو اوزوندن اولوب، سیماسین دا سئوینج ایتمیشدی. ساچ‌لاری دنه بیر آغارمیشدی. اری‌نین قاش – قاباق ساللاییب، باغیریب چاغیرمالارینا آلیشمیشدی، آمما گئجه – گوندوز ایچی دوغرانیردی…
اون دؤرد ایل سووشوردو، آللاهین هر گونو آینی سئویه‌ده ایدی. هئچ بیر دئییشیکلیک اولمادان، جانی – روحو سیخیلمیشدی!
اوشاق سسی، اونا درد و بیر بؤیوک نیسگیل اولاراق، یئرینده، ان گؤزل بیر ماهنی‌ایدی. ایشی، پنجره‌نین آرخاسیندان اوشاق‌لارین اویونلارینا،‌های – کوی‌لرینه و داعوا – گولوش سس‌لرینه باخیب، یاشاماق ایدی. یا ائو ایشینه چالیشیردی، یا یاتیب، یادا دیزلرینی قوجاقلاییب، فیکیرلشیردی…
کیشی، یالنیز یونیفورماسینداکی (اوچ اولدوزا) گووه‌نیردی. قاش‌لاری هر زمان دوگون، یاغ‌دان توک سئچیردی… دوزنلی و ترتیبلی اولماغی، آروادیندان چوخ ایسته‌ییردی! بیرینجی گوندن، سانکی ساخلوویا گلین گتیرمیشدی! ساعات، اوزون – قیسسا آیاق‌لاری ایله، اون ایکینی سووشوردو. قادینین بیر الی مین اولموش، دویونو سوزوردو، خوره‌یین دادینا باخیردی (شور اولماسین – شیت اولماسین – یئرینه دوشسون – یانماسین – دانناق یئمه‌سین…) دووغا آشینی، سون دفعه اولاراق، قاریشدیریب، آلتین سوندوردو؛ دویونو دمه ویردی. خیارلا – پامادور، بالا – بؤیوک اولمامالی‌ایدی! بارماغینی کسدی، سالاد قانا بویانیب او ایسه اوفولدایاراق، چیم چشیب، کیلوولوق (ساری) قزئته‌نین ایچینه توکوب، زیبیل قابینا تپدی؛ تورشو – قاتیق حاضیرلادی…
گول‌لره سو وئریب، دوشن یارپاق‌لاری آووجونا‌ییغدی. گوزو ساتاشدی اری‌نین یونیفورما بورکونه؛ عصبلنه‌رک، دوداق‌لارینی بوزوب، مطباغا قاییتدی. زیبیل قابی دولدو، دویونون آلتین سؤندوردو.

تراس‌دان، جنابین آغیر پوتون‌لارین گؤتوروب، واکس ویردی. ندنسه هر زمان اوره‌یی چیرپینیردی. هوولوندن اوتونو یاپیشدیردی دوز کؤینه‌یین یاخاسینا! بیر آن یازیق اولدوغونو حس ائتدی، بوکدو، آپاریب باسدی اوز پالتارلاری‌نین آراسینا (هله‌لیک ایتیر – باتیر ائله‌سین، دئیه…)
میزین اوستونو دؤشه‌دی…
نحس اولان سس‌سیزلیکدن یورولموشدو، تلویزیونو یاندیردی، اوچ کیشی توپلانتی قوروب (خانیم‌لارین حساس روح‌لارینی آچیقلاییرلار):
“آغالار هر گون ان آزیندان بیر دؤنه ده اولموش اولسا، حیات یولداش‌لارینا – سنی سئویرم – دئمه‌لی‌دیرلر! بو ایکی کلمه، اونلارین برابر یاشامین دا، چوخ بؤیوک تاثیر بوراخا بیلر…
یازیق قادین، ایل‌لر بویو تامارزی قالدیغی او ایکی کلمه‌یه دوشونوردو، باشقا کانالا ویردی، ایکی کیشی ایله بیر قادین (مسلمانچیلیق) دان دانیشاراق، بیر – بیری‌نین سؤزلرینی آلقیشلاییردی‌لار. باشقا کانال‌لاری دئییشدیرمک ایچین، هئچ حالی یوخ ایدی. دیش‌لرین قیسارکن، قیرمیزی دویمه‌نی باسیب، سؤندوردو.
هر گونکو کیمی، پنجره‌نین دمیر میله‌لری‌نین آرخاسیندان، اوشاق‌لارین اویون‌لارینا باخیردی؛ ساواشمالارینا، دئییب گولوب، آتیلیب – دوشمه‌لرینه،‌ ییخیلیب – دورمالارینا، شیرین – شیرین داورانیش‌لارینا گؤزونو تیکیب، زمانین نئجه سووشماغیندان خبری اولموردو. اؤز اوره‌یینده چوخ شئی‌لری اوزوب – دوزوردو… آرزی‌سینا دوشوب، حسرتله آه چکیردی.‌هاچارین فیرلانما سسینی ائشیدیب، کنارا چکیلدی. سانکی ایکی قیزغین دمیر؟ اونون یاناق‌لارینا توخونوب، ایز بوراخدی…
یئدی – ایچدی، عجبا! اوزل بیر ماهنا دوتمادان، اوزانیب، گؤزونو یومدو…
قاب – قاشیغی یووارکن، باشیندان چیخمایان و وجودونو، خورا کیمی‌‌یئین فیکره دوشونوردو (یتیم خانا)!
آغزینا گتیرنده، ائوده قان دوشوردو…
ال – آیاقی اسیردی، سؤز اوزانیردی، قورخوردو، هئچ بیلمیردی بو دردی‌هارایا آپارسین، کیمه دئسین، نه دئسین…
آنجاق کین – کدورت، بوتون جانینا یئریمیشدی، تمامی‌ایله بوروموشدو، دوزومو داشمیشدی…
“ندن قورخورام! نییه گره‌ک بو قده‌ر قورخام! آللاهیم اولماییب کی، هر نه اولورسا اولسون! ایت ده باشینی قووزاییب، بیر تیکه چوره‌یی تاپیب، یئییر.‌هاچاناجاق بو قارا گونلری، بایقوش سایاغی دوزوب، یالنیز پئتوچولوق ائده‌جه‌یم! بو یاشاماق نه درده ده‌یرکی…”
بشقاب، الیندن سوروشوب، یئرده تیکه – تیکه اولدو!
کیشی سانکی نعره چکدی: “شپبه! چولاق! گیج بئیین! ناخوش! آوارا… جهنم اول، گؤزومه گؤرونمه! من آجیق وئرمه‌لرین سببینی یاخشی بیلیرم، نه ایسته‌دییینی ده بیلیرم… آمما یوووووخ! خیریه اوشاغی منیم ایچین لازم دئییل! اونو اؤلو گوزلرین گورر، من حارامزادا بسله‌مه‌رم…‌هارا گئدیرسن یولون آچیق‌دیر! نه دئدیییمی‌آنلامازسان، بوشانا بیلرسن، چوخ دا گئج اولماییب…”
قاپینی چکیب، چیرپیب، چیخیب گئتدی!
اللری ایله باشینی سیخیب، ایچینی چکه‌رک، هؤنکور – هؤنکور آغلادی قادین…
دیزلرینی قوجاقلایارکن یوخو دوتوردو، بیر آن سیزلاما سسینه دیکسیندی!!
“آناااا – آنااا – آناا – آنامی‌ایستیرم…”
بو دونه آرتیق دقتله دینله‌دی، یئنه همن سس قولاغینا چاتدی: “آناااا – آنام‌هانی؟ آنامی‌ایستیرم! آنااا……”
یئریندن سیچراییب، اوزونو پنجره آرخاسینا یئتیردی، آچیب یان یؤوره‌یه باخاندا، بیر قیز اوشاغینی کوچه باشیندا یالنیزجا گوردو! حیرت‌له اونا باخیب بئینیندن دستور آلمادان، پیله‌کان‌لاری ایکی – بیر ائدیب، اؤزونو یئتیردی کوچه باشینا. ایچیندن گلن درین و اینانیلماز بیر دویغو ایله چیغیردی: “قیزیم… قیزییییم! گؤزل قیزیم، منیم بالام” !
بوتون آنالیق سئوگیسی ایله، کؤرپه قیزی باغرینا باسیب، اؤپوش‌لری یاغدیردی. گؤزلرینده، یاش دایانمیردی! اوشاق، ایلک باش دا تعجب‌لنیب، بیراز هراسان باخیب، سونرا یوکسک بیر باغیرتی ایله آغلادی… “من آنامی‌ایسته‌ییرم! آناااا… آنامی، آنامی”
قوخلاییردی، اؤپوردو، اوره‌یینه سیخیردی، اللرینی قیزیل رنگلی ساچ‌لارینا چکیردی، ائله بویونا اوخشاییردی سانکی هر گونکو ایشی ایدی!
اوشاق، دایانمادان مله‌ییردی. یاواش – یاواش قونشولار ‌ییغیشدی، جاماعات چوخالدی…
قوجاغیندا اوشاق، قاچاراق آددیم‌لاری ایله یولا دوشدو! هئچ بیلینمیردی‌هارا گئدیردی، آنجاق سرعتله اوردان اوزاقلاشماق ایسته‌ییردی…
وجودونو اضطراب بوروموش آناسی، دهشتلی باخیش‌لا، تیتره‌یه‌رک، اونلارین دالی سوره قاچیردی، چاغیردی: “لاله!!! لاله‌م…. قیزیم! سن الیمی‌ندن بوراخدین؟ نه اولدو؟ او بیر آن دا سنه نه گلدی، سنی کیم بورایا……. گل! گل نازیم! گل جانیم، اؤلدوم من قیزیم، گل گئدک، شوکورلر اولسون آللاهیم…” اللرینی اوزالتدی اوشاغینی آلسین، آمما! یازیق قادین، بوتون گوجو ایله اوشاغی ساخلامیش، بوراخماق ایسته‌میردی: “یوووخ! بو منیم بالام‌دیر، آدی دا مارال‌دیر، باخ! سوروش، اؤز قیزیم‌دیر، منیم الیمدن آلا بیلمزسن، بیزدن اوزاقلاش، یوخسا اؤزومو اؤلدوره‌رم… چکیل کنارا، گئت بورادان”!
طیفیل اوشاق آرادا قالمیشدی، بئللی اولاراق، چوخ قورخموشدور، آغلاییر، قوش سایاغی چیرپینیر، ال – آیاق چالیردی. اوشاغین آناسی سؤیوش وئره‌رک، قیزینی، زاواللی قادینین قوجاغیندان، بوتون غضب و نفرت‌له چکیب چیخارتماق ایسته‌ییردی، او آن آژیر سسی گله‌رک، باخیش‌لار دؤندو…
بیر سروان، ایکی افسر دوشوب، اوز وئرن ماجرانی بیلندن سونرا، قادینین آنورمال شکیل ده داورانیش‌لارینی گؤره‌رک، اهمالجا اوشاغی آلماق ایسته‌دی…
اوز – گؤزو پالچیقلی، اوستو – باشی ایسلانیب، دیلی سؤز دوتموردو، داها نه قاچماغا یئری وار ایدی، نه دایانماغا و نه قاییتماغا…‌هارای ایسته‌ین‌لر کیمی، تام بیر پریشان حال دا ایدی، نه ائتدیینی بیلمیردی.
بوتون آجیماسیزلیقلا، اوشاغی، قوجاغیندان چکیب – چیخاریب، وئردیلر آناسینا!
چیلغینا دؤندو! قیشقیردی، قراری کسیلدی، هر آن اوزاقلاشماقدا اولان (اوشاق) و آناسی‌نین آرخاسینجا سیزلاییردی، یالواریردی، سسی باتدی، آغزی کؤپوکلندی، گؤزلری‌نین قاراسی گئتدی! سانکی باغری دایاندی، جانی قیفیللاندی…!
جایناق‌لاری قارتال سایاغی قالدی، سانکی بیرینی جیرماقلاما ایسته‌ییردی. قادینا نه گلدی! کیمسه بیلمه‌دی…
آمبولانس یئتیشدی، حالینی گؤره‌رک، تاختا سایاغی گؤتوروب، برانکاردا قویوب، قاپی‌لاری اؤرتوب، یولا دوشدولر…
سانکی ائوده، هر شئیین اوسته، اؤلوم تورپاغی قونموشدو!
(دلی‌لر خسته خاناسی)‌نین تابلوسو، کیشینی دایاندیغی یئرده قوروتموشدو!
دامجی – دامجی، دوم – دورو یاغمور یاغیردی، چیچک‌لر باش قالدیرمیشدی، ائولرین چیراغی یانیردی، عائله سسی دونیانی بوروموشدو…
کیشی، بیرینجی دؤنه اولاراق، اؤزونو بؤیوک بیر بوشلوقدا حس ائتدی…
گوزلریندن، یاش یوخ! سئل آخیردی…


http://ishiq.net



نوشتن دیدگاه

نظراتی که حاوی مطالب خلاف نظام ، شئونات اجتماعی ، توهین یا افترا به کسی می باشند، منتشر نخواهند شد.
لطفا از نوشتن نظرات خود به صورت حروف لاتین (فینگلیش) خودداری نمایید.
برای تماس با شما لطفا ایمیل خود را بدرستی وارد کنین تا با شما اگر لازم باشد در تماس باشیم .


تصویر امنیتی
تصویر امنیتی جدید

Xəbərlər

نگاهی اجمالی به تاریخ آذربایجان در قرون نخستین اسلامی‌(قسمت آخر) / مجید رضازاد عموزین‌الدینی

نگاهی اجمالی به تاریخ آذربایجان در قرون نخستین اسلامی‌(قسمت آخر) / مجید رضازاد عموزین‌الدینی

از كارهاى محمد بن رواد در آذربايجان، می‌‏توان به طغيان او در مقابل خليفه وقت، مأمون عباسى (198ـ218 ه.ق) اشاره كرد....

گؤزلوکسوز دونیا - نیگار خیاوی

گؤزلوکسوز دونیا - نیگار خیاوی

نیگار خیاوی گؤزلویونو ایتیریب دونیا اؤز ایشینده دئییل سوخولور بؤیرومه بورنویلا بوینوزویلاآراق چکیرم باشیما یورغانی چکیرم سو کیمیدوداغیما گولوشو ساتین آلماغا...

Atama məktub; Frans Kafka

Atama məktub; Frans Kafka

Atama məktub Frans Kafka tərəfindən 1919-cu ildə atasına yazılmış, ancaq göndərilməmiş məktubdur. Məktub onun vəfatından sonra Maks Brod tərəfindən çap etdirilmişfir....

قارا داش کیمی ...

قارا داش کیمی ...

توتوشور فیرتینالاردان کئچمیش اللریم ؛ یاریق لاریندا هله سیلینمه میش بیر ایستی ایزدن ، اییرمی بیر ینجی یوز ایللییک ده دوستاق...

ياكووس كامپانل ليس* Iacovos kampanellis

ياكووس كامپانل ليس* Iacovos kampanellis

ياكووس كامپانل ليس* Iacovos kampanellis چئويرن : ارسطو . م *ايكينجي دونيا موحاربه سيندن سونرا يونان ادبي نسلينين آدليم شاعيرلرين دن...

ساری تئل و من

ساری تئل و من

«جعفـری»یـم، سـؤز بحرینده اوزرم اینجـی تاپیب، «ساری تئل»ه دوزرم مضـراب اولـوب، تئـل اوستونده گزرم اهل ایسترم؛ سؤز قاندیرا، سؤز قانا

تیکه قارین دویورماز، محبّت آرتیرار

تیکه قارین دویورماز، محبّت آرتیرار

تیکه قارین دویورماز، محبّت آرتیراریادِ «شهریار» بر سر خوانِ «افشار» در بیست و هفتمین سالگرد عروج عارفانه یِ «سید محمد حسین...

سن بو اینجه لیک لرینله . . .

سن بو اینجه لیک لرینله . . .

1- گوندوز دور یئنه قارالیق دیر ، کوچه لر اوزه رینده آیاقلاریم هئچ یئره سوزولور . تنهالیغیمین سرت اللرینده کؤله کیمی...

ساری بولبول

ساری بولبول

ساری بولبول اؤلمز شهریارین ابدیّته قوووشماسیندا... یئنه یامان داریخیرامسسین گلسین باری بولبولباشلا حزین سیزیلتی نیشاعیرین غمخواری بولبول

آتا ماهنی سی

آتا ماهنی سی

آتـــا! سنـــی آتانمارامبو بوداغین اصلی سن سناکیب ـ چکيب، قادا قهرينائولاديني بسلي ين سن